uMthunywa
Ethel Ncube
KUBEYINJABULO ngesikhathi amapholisa koBulawayo ebopha uKimberly Ncube, inina ebelithumbe usane lomqhatshi walo kusukela ngoMvulo.
Kube yisiga esibambe idolobho lonke kuzwakala ukuba kudingwa usana olulomnyaka lenyanga eziyisitshiya galombili “obelutshontshwe” nguNcube (19) obeqhatshwe ukuthi agcine umntwana lo.
Ekhuluma lentatheli, amapholisa athe athanda ukubonga uzulu wakoBulawayo ngokusukumela phezulu ngesikhathi kudingwa umntwana.
Kubikwa imbiko ethunyelwe yizakhamizi lokusebenza ngokuphangisa kwamapholisa, kwenze kwabalula ukuthi uNcube abotshwe.
Usane kubikwa lutholakale lukusimo esihle.
UNcube, ngesikhathi ethumba umntwana uphinde weba lemota yomqhatshi wakhe eyohlobo lwe-BMW 328i emhlophe.
UMthunywa uxhumane lobambele isikhulumi samapholisa koBulawayo u-Inspector Nomalanga Msebele othe umntwana usetholakele.
“Sithanda ukubonga uzulu wakoBulawayo kulandela ukutholakala komntwana ongumfana obecatshile. Umetheswacala usebotshiwe,” kutsho u-Insp Msebele.