uMthunywa
Wayne Ncube
KULENDODA yeMberengwa egwetshelwe ukuhlala ejele okweminyaka elitshumi ngemva kokuba itholakale ilecala lokuquma umunwe womkayo wendandatho kulandela ukungezwani ithi yenzela ukuthi angafi wagqoka indandatho yenye ndoda.
UPromise Moyo (27) wafungela uLinnet Chihora (25) ukuthi ngeke athathwe ngenye indoda imgqokise indandatho ngemva kokuba ezwe udletshana lokuthi uChihora usefuna ukumtshiya.
Kubikwa umsolwa wathatha ibhemba waquma umamangala umunwe wakhe wendandatho esenzela ukuthi angafi wagqoka enye indandatho empilweni yakhe.
UMoyo wetheswe icala lokufuna ukubulala lapho evela phambi komthethwandaba weGweru Regional. Umantshi uMnumzana Phathekile Msiph)a uzwe ukuba ngemva kokuquma umunwe kamamangala umsolwa wayesefuna njalo ukuquma isandla sonke.
Umtshutshisi kucala leli uMnumzana Talent Tadenyika ubike ukuba mhlaka 10 Nhlolanja 2020 uMoyo, uChihora kanye lomakhelwane wabo uSibusisiwe Nyoni bahamba kusobhuku besiyahlafuna udaba lomtshado wabo nanko phela endlini kwakungasahlaleki ngenxa yokungezwani.
Ngesikhathi bephenduka kusobhuku bafika endlini kamamangala phakathi kobusuku uMoyo wangani usevuke ubhova wamane wathatha ibhemba watshaya uChihora kanenginengi ezandleni, ekhanda kanye lasebusweni.
Umantshi uMnu Msipha wahlulele uMoyo ngeminyaka elitshumi esejele.
