uMthunywa
Thando Dube
KULENDODA eleminyaka engu-50 yokuzalwa esebenza esiphaleni sezingwalo (library) emiswe phambi komthethwandaba isetheswa icala lokuphulula umfundi oleminyaka engu-11 amabele ngesikhathi ebala.
UMorrison Sibanda oleminyaka engu-50 yokuzalwa onguLibrarian eNkulumane Library umiswe phambi komthethwanda esetheswa icala lokubambabamba amabele omntwana oleminyaka elitshumi lanye (11) yokuzalwa andubana amncenge ngebhuku.
UNkosikazi Thembeni Mpofu ubikele inkundla ukuthi mhlaka 11 Nkwenkwezi eNkulumane Library lapho umamangala ayebalela khona, umetheswacala wambizela ehofisini yakhe.
Uthe umamangala walandela umsolwa lomngane wakhe kodwa umsolwa wathi umngane wakhe amlindele phandle ngoba wayefuna ukuxoxisana lomamangala eyedwa.
Sebesele bobabili umetheswacala wanika umamangala ibhuku wathi kadabule ikhasi elilesidindo se-library ukuze angabanjwa wabeseqala ukumanga emphulula amabele.
Ngalesosikhathi umamangala wenelisa ukumfuqela eceleni wabaleka.
Inkundla kayitholanga ukuthi umsolwa wabotshwa sokutheni.
Ebuzwa ngecala lakhe umsolwa walile ukuthi walidala lelicala.
Ngemva kokulalela icala leli, umantshi uNkosazana Tancy Dube udlulisele ukuthoniswa kwalo kumhlaka 18 Nkwenkwezi ngesizatho sokuhluzisisa udaba lolu umetheswacala engakagwetshwa.