uMthunywa
UMFUNDISI wesifazane eKapa, eScottsville, wenze okungajwayelekile etshadisa izithandani (6) ebezikipitile ebandleni lakhe ngemva kokuba lombono “obuvela kuNkulunkulu”.
Umfundisi uTanelle Welft-Dixon (43) uthi uMdali umcele ukuthi atshadise zonke izithandani ezihlezi esonweni ngokuhlala ndawonye zingatshadile. Lezi zithandani zitshadiswe ndawonye ngoMgqibelo, emtshadweni ohlelwe ezinsukwini ezintathu nje kuphela.
Lumtshado wonke kuthiwa ube yimpumelelo ngomnikelo njengoba yonke into ibisibhadalelwe.
Ngesikhathi umfundisi ebatshadisa uthi ufonelwe yisihlobo esilepulazi eJoostenbergvlakte, esithe bangakwazi ukuthatha izithombe zomtshado kulo.
Umfundisi uTanelle, okhulele eThekwini, uthe ubenza umsebenzi kaNkulunkulu.
“Ngesonto eledlule ngathola umbono ovela kuNkulunkulu. Ngabona amatafula amhlophe omtshado. Lumbono waqhamuka ngesikhathi ngiqhuba umkhuleko wami wamasonto amabili wokuthi ngikhuleke kuze kuvele okuthize,” kutsho lumfundisi.
“Ngacela ukuthi uNkulunkulu angivezele amacebo akhe, wangilaya ukuthi kumele ngitshadise labo abahlala ndawonye bengatshadile lalabo abangalayo imali yokutshada kodwa abathandanayo.
“Ngamemezela lokhu esontweni izithandani zaphumela obala zatsho ukuthi sezikhathele ukuhlala esonweni.”
Ezinye zezithandani ziveze ukuthi bese zihlale ndawonye iminyaka engu-35 sezililahlile lethemba lokuthi ziyoke zitshade.
UNkkz Johanna Julius (58) lomyeni wakhe uMnu Clark Julius bathe bajabule kakhulu.
“Besizayithatha ngaphi imali yokuba lomtshado onje emnyakeni yethu?” kubuza bona. — Ubulembu