Uncategorized

Umfana utshiselwa agalule edamu

09 Jan, 2020 - 00:01 0 Views
Umfana utshiselwa agalule edamu

uMthunywa

UTHOLAKALE esefile umfanyana weHammarsdale okuthiwa ugalule ebhukutsha labangane ngempelasonto. 

Isidumbu sika-Ayanda Mkhize (7), sitholwe ngeSonto eMlaba Dam, eZibuse Village, emva kokugalula ngoMgqibelo. Kusolwa ukutshisa kwelanga obekubhokile ukuthi kubangele ukuthi uAyanda ayobhukutsha labangani. Ngokwesitatimende esithunyelwe ngamapholisa ngosuku isidumbu esitholakale ngalo, abatshuzi beSearch and Rescue lamapholisa kaMasipala weTheku, babizwa ukudinga  umfana.

Kuthiwa u-Ayanda wehlulekile ukubhukutsha, wacina egalule. Isidumbu sakhe sitholakale ngesonto ntambama, edamu okutshona okwamamitha amahlanu. 

Okhulumela amapholisa KwaZulu-Natal, uCapt Nqobile Gwala, uthe kuvulwe idokethi lokufa komuntu emva kokugalula komfana oleminyaka eyisikhombisa. 

“Idokethi liphenywa ngamapholisa esitetshi eHammarsdale. Okwamanje akukaziwa isizatho esiholele esigamekweni. Isigameko senzeka ngehola lika-4 ntambama,” kutsho uCapt Gwala. 

Kutshaye isikhathi sokudinda ungatholakanga umdeni ka-Ayanda ukuzwa eminye imininingwane.

Ngokwemibiko yabezimo eziphuthumayo esifundazweni, sebeyisitshiyagalolunye asebegalule selokhu kuqale ikhefu leKhisimusi. Kwesinye isigameko esenzeke ngoLwesine, kuminze umfanyana oleminyaka emine eLagoon Beach, eScottburgh. Isidumbu somfana satholwa ngabantu akade bezobhukutsha olwandle, babikela abezimo eziphuthumayo. 

Okhulumela abezimo eziphuthumayo kwaNetcare 911, uMnu Shawn Herbst, uthe eselutholile usizo lokuqala kodwa isimo sakhe singagculisi. Uthe watshona besanda kufika abezimo eziphuthumayo.

Share This:

Sponsored Links