uMthunywa
UTHOLAKALE ethe daca ekhutshwe amehlo umfana oleminyaka emihlanu, obelahlekile eMahlongwa. UBandile Mbele (5) kuthiwa utholwe ngabantu akade bezingela ngezinja, azithela kuye akhuza ababaza, ahlaba umkhosi.
Isolezwe ngeSonto lithole ukuthi uBandile ubelimele ekhanda elamanxeba atshonayo futhi okungacaciyo yikuthi ngawani. Kuthiwa yindaba ebatshazwayo endaweni etshaqe abanengi ngoba kuthiwa kazandile izehlakalo zokubulawa kwabantu.
Leli phephandaba lihabule ngomthombo walo ukuthi kulomuntu oke wathathwa eyophoswa imibuzo, wabuye wadedelwa emva kokuthi kungekho okutheni okumyamanisa lodaba.
Uyise kamufi uMnumzana Zamokuhle Ndokweni, uthe akazi lokuthi athini, akwaziwa lokuthi yinto esukaphi lena ebehlele. Uthe akahlali endaweni kodwa okunengi bamlandisile ngakho laye waxakeka ukuthi kwenzenjani.
“Akukho bantu obekuxatshenwe labo kanti labantu basendaweni batshaqekile ngesigameko. Kuthiwa ubekade eyodlala labanye, kutsho ukuthi yinto emehlele esebuya uma ngibuka nje. Kufanele batholakale abantu (abenze lokhu) babotshwe, bagwetshe isikhathi eside, hayi umuntu ebonakale esecanasa ngaphandle,’’ kutsho uNdokweni obekhathazekile.
Uthe indodana yakhe ibihamba inkulisa futhi ibisencane kakhulu bebesabheke ukuthi ikhule bayibone.
Okhulumela amapholisa KwaZulu-Natal, uLieutenant Colonel Nqobile Gwala, uthe lukhona udaba oluphenywa amapholisa aseMkhomazi.
“Kulomfana oleminyaka emihlanu okwabikwa ukuthi ulahlekile kade edlala labangani bakhe. Kuthe ngakusasa watholwa ngabafana bezingela ngezinja esetshonile elimele kabi wakhitshwa amehlo. Amapholisa aphenya icala lokubulala,’’ kutsho uLt Colonel Gwala.
Uthe akekho umuntu obotshiwe ngalesi sigameko kusaphenywa. — Isolezwe
