Uncategorized

Ukhanywa yimengo afe

07 Feb, 2019 - 00:02 0 Views
Ukhanywa yimengo afe

uMthunywa

YiNtatheli kaMthunywa
KULEMULI yeGwabalanda koBulawayo esele ikhala ezimathonsi ngemva kokuba umntwana walumdeni eginye intanga yemengo, ngokuswelakala kwenhlanhla wabhubha.

Isehlakalo lesi esitshiye abantu betshaqekile senzakale ngoLwesibili kuviki ephelileyo lapho imuli yakoKwiri elahlekelwe ngumntwana oleminyaka eyisithupha, uPolite Kwiri okubikwa ukuba uginye intanga yemengo wagijinyiselwa esibhedlela seMpilo lapho afike wabhubhela khona, uMthunywa ukuzwile lokhu.

Ekhuluma loMthunywa omunye umfakazi oyisakhamuzi sakuleli ilokitshi uMnumzana Thabisa Dube uveze ukuba ukufa kwabantu kungacaci sokwandile njalo sebesesaba lokuhlala kule indawo.

“EGwabalanda lapha akusahlaleki, abantu asebebhubhile ngesikhathi esifitshane banengi, abanye bayazibophela. Khathesi nanko umntwana usebulewe yimengo.

“Abantu laba abahlali lapha, bahlala eGoli njalo akulamuntu obaziyo lathi sizwe kuphela sokuthiwa sebebhujelwe ngumntwana. Umntwana lo uthwalelwe esibhedlela kukhanya yikho afike wabhubhela khona.

Kulemibuzo eminengi ngokufa lokhu akukodwa sibili kambe imengo ibulala umuntu,” kubika uMnu Dube.

Iphephandaba likazulu likhulume lomunye wesihlobo ochaze ukuba ungunina omncane ochaze ukuba akalalwazi olucacayo ngokuthi kuhambe njani.

“Thina besiseGoli basitshayela ucingo kuthiwa umntwana uyagula sahle sangena ezimoteni sabuya sisanda kufika khonapha. Silinde ukuba sizwe ngomama wakhe kakho uyelungisa amaphepha ukuba abuye asilandisele ukuthi kuhambe njani,” kubika omunye welunga lemuli.

Intatheli ixhumane lesikhulumi samapholisa uChief Inspector Precious Simango, oveze ukuba udaba olunjalo alukafiki endlebeni zamapholisa.

“Indaba leyo asikayizwa,” kuphetha uChief Inspector Simango.

Share This:

Sponsored Links