uMthunywa
Ethel Ncube
LIKHALA ezimathonsi elinye inina leRedcliff eKwekwe ngemva kokuthola umkakhe elele phakathi kwechibi legazi efile egwazwe indlebe.
Isiga lesi senzakale kuyonale iviki lapho uMnumzana Zwelani Ncube etholwe ngumkakhe uNomsa Sibanda efile ngemva kokumuzwa ephikisana labantu komakhelwane.
Kucatshangelwa ukuba uNcube angabe wabulawa nguTobisa Moyo, Zivanai Mpofu, loLuck Moyo abatholakala lapho umuyi ayefele khona bethwele amahloka lezinqamu lanxa benelisa ukubaleka.
Kuzwakale njalo ukuba ngesikhathi umkaNcube, uSibanda esizwa umsindo wacela ukuba omunye umakhelwane amphelekezele wahamba laye kodwa ngokuswelakala kwenhlanhla wathola umkakhe evele esesesimeni esibi elenxeba endlebeni bamthwalela esibhedlela lapho abafika bathi usebhubhile.
UMthunywa uxhumane lesikhulumi samapholisa eMidlands uInspector Emmanuel Mahoko oveze ukuba udaba olunjalo balalo.
“Indaba enjalo siyitholile njalo abetheswacala laba abakabanjwa babalekile. Sicela ukuba ongabe elolwazi ukuthi bangaphi ancwebe amapholisa aseduzane laye indlebe,” kuphetha uInsp Mahoko.
