uMthunywa
Thokozile Mbedzi
ZILOKHU zibabaza izakhamizi zesigabeni seMadlambuzi ePlumtree ngemva kokuba unkazana oleminyaka eyisificaminwe mibili eganyulwe ikhanda yinqola wafa.
Umuyi uSinethemba Nkomo ubhubhe ngoMvulo kuyonale iviki.
Kubikwa uNkomo umbokothwe yinqola ngemva kokuba itshaye isitompi yabhewuka okubangele ukuthi atshaywe ikhanda wahle wafela lapho.
Ekhuluma lentatheli kaMthunywa uMnumzana Bongani Sibanda ongumakhelwane uthe bona balokhu bedidekile ingqondo ngendlela ingozi le eyenzakale ngayo.
“Silusizi ngendlela okwenzakale ngayo ngoba abantwana laba bebebabili enqoleni njalo ingozi le isenzakala besebefike entubeni yamasimu angakibo lapho abatshaya khona isitompi wasembokothwa yinqola ehle yamtshaya ikhanda ladabuka.
“Omunye wakhe ube lethamsanqa kalimalanga, weqa waphuma,” kulandisa uMnu Sibanda.
Isikhulumi samapholisa esabelweni seMatabeleland South ulnspector Loveness Mangena ebuzwa ngodaba lolu uthe solufikile ehofisini yabo ngakho uzulu ngaso sonke isikhathi kumele ananzelele abantwana.
“Uzulu ngaso sonke isikhathi kumele ananzelele abantwana njalo inqola kumele zikhokhelwe ukuze kungabi lengozi efanana lale,” kuphetha uInsp Mangena.