uMthunywa
Thokozile Mbedzi
KULENDODA yeCowdary Park koBulawayo etholakale emnkotweni wezibi ifile ngempelaviki ilamanxeba okugwazwa umzimba wonke.
UMncedisi Mtshayisa okungasatholakalanga iminyaka yakhe yokuzalwa wasuka mhlaka 12 esiya emsebenzini kodwa kazange aphindele endlini kwaze kwabonakala isidumbu sakhe ngelanga elilandelayo emkontweni wezibi oku-3rd Avenue.
Ekhuluma lentatheli kaMthunywa uMnumzana Alfred Ncube uthe bona bamangala bezihambela ekuseni babona igazi bathi bethi mehlo suka babona umuntu.
“Sasisiya emsebenzini silandelana labanye sasesibona igazi lisukela eceleni kwesinye isitolo kuquma isitalada kuqonda emkontweni wezibi.
“Sethuka kwasenza ukuba silandele igazi leli ukuthi belisiya ngaphi. Satota saze sayafika ezibini lapho esathola khona isidumbu sikaMncedisi,” kuchasisa uMnu Ncube.
“Esikubonileyo laphana kube buhlungu ngoba ubexhonxwe waxhonxwa umzimba wonke. Kusethusile kakhulu ukuba ababulali laba balolunya.
Ngilapha kangilankani ngobugebengu osobusenzakala sesisesaba lokuqumela endaweni ezicatshileyo,” kuchaza uMnu Ncube.
Isikhulumi samapholisa koBulawayo uInspector Abedinico Ncube ebuzwa ngodaba lolu uvumile wathi solufikile ewofisini yabo ngakho basaluphenyisisa,” kuphetha ulnsp Ncube.