uMthunywa
Johas Moyo
IZAKHAMIZI zeNkayi zidla amalangabi kulandela imihlola eyenziwe ngesinye isakhamizi salapho esibanjwe xhaka sibhinya ubabhemi kamakhelwane simbophele esihlahleni njalo simbhemisa imbanje, uMthunywa uyakuveza lokhu ngokungcweleyo.
Isiga lesi senzakale kuviki ephelileyo ngoLwesibili lapho umetheswacala uThabani Mlambo okungasatholakalanga iminyaka yakhe yokuzalwa, oyisakhamizi sakuleyo ndawo abanjwe xhaka ngabantwana besikolo esiseduze lalapho isikhindi sisenqagaleni ebhinya ubabhemi.
Kubikwa uMlambo ubethi angabhema imbanje abhemise lobabhemi lo okwenza bakholwe ukuba yikho obekumupha umdladla wokwenza ihlazo leli.
Omunye umfakazi obikele uMthunywa ngale indaba uveze ukuthi badonswa ngumnuko wembanje okuyikho okwenza baze bayazithela lapho umetheswacala ayesenza khona ihlazo leli.
“Lwangitshaya lwangeqa uvalo ngibona uMlambo ehlise impahla yakhe yangaphansi ebhema igwayi aphinde abhemise lobabhemi kamakhelwane ayembophele embhinya.
“Ngaqalisa ngama okwesikhathi ngathi sengibonile lokuthi liqiniso kangiphuphi ngayabiza abanye samthola elokhe eqhubeka ezijabulisa lobabhemi lo,” kutsho umfakazi lo ongumfundi.
UMthunywa uxhumane loMnumzana Mandla Tshuma oyisakhamuzi sakuleso sigaba laye ogcizelele ukuba bamunyu ngendaba elihlazo kangaka ikakhulu ngoba yenziwe ngumuntu othetheyo njalo osekhulile.
“Saba lenhloni safisa lokuthi ngabe umhlaba uyasiginya sisizwa ngesenzo sikaMlambo ngoba eyindoda ebilesithunzi esigabeni sethu. Ngicabanga ukuthi akazenzi kodwa kulomoya omubi omngenileyo ngoba ngumuntu olonkosikazi.
“Kukhanya njalo umkhuba lo uMlambo kawuqalisi kodwa uselesikhatshana waqala,” kutsho uMnu Tshuma.
Ebuzwa ngaloludaba unkosikazi kamsolwa uJanet Mlambo ubike ukuthi kakukho angakutsho ngoba isenzo somkakhe simtshiye efana lomuntu obonakala eze.
“Ngizizwa ngilenhloni njalo ngilulazekile sokungani ubaba kangenelisi ukumsuthisa kunkonzo yasekamelweni.
Ngifisa lokuthi ngabe umhlaba uyangiginya ngoba lokukukholwa kunzima,” kutsho uNksz Mlambo.
Imizamo yokuxhumana lometheswacala yehlule ngoba ucingo lwakhe lucitshiwe njalo kubikwa kaziwa lapho acatshe khona ngemva kwesenzo sakhe.
