uMthunywa
UBUYELA kuyonale inyanga mhlaka 3 emthethwandaba kamantshi weRichmond eSouth Africa osolwa ngokubulala atshise owesifazane ayemhuge ngokuthi uthole umsebenzi.
Umsolwa oleminyaka engu-39 uvele ngo-Mfumfu 27 kulumthethwandaba icala labe selidluliselwa phambili.
Umufi, uNkosazana Nkosikhona Zondo (27) kuthiwa wayefonelwe yindoda angayaziyo isithi kumele aqale emsebenzini kwahle kwaba yikucina kwakhe ukubonakala.
UNgqongqoshe wezeNhlalakahle lokuThuthukiswa koMphakathi, uNkkz Nonhlanhla Khoza, uncome abomthetho ngomsebenzi oncomekayo ngemva kokubotshwa kwalumsolwa.
“Sidinga ukuthi amapholisa aqhubeke lokuphenya ukuze aqoqe bonke ubufakazi bokuqinisa leli cala kungabi khona into engenza umsolwa acine ephunyuka enkantolo,” kutsho uKhoza.
Udadewabo kamufi ayehlala laye wamcina ngosuku ahamba ngalo kwaze kwatshaya uNcwabakazi 17, lapho abase beyobheka khona isidumbu esasitholwe yizisebenzi zemapulazini sitshisiwe.
Isidumbu sikaNkosikhona satholakala sitshile silezinsimbi okusolwa ukuthi wayefakwe ithayi entanyeni.
Sekuhlolwa isidumbu kwavela ukuthi umufi ubezithwele.
Kulindeleke ukuthi uma esebuyela emthethwandaba umsolwa kube losonhlalakahle abazobhikisha ngaphandle befuna ubulungiswa.
Ungqongqoshe uphethe ngokuthi: “Yize bengeke besavuka abafileyo kodwa sifuna ukubona bonke abahlukumeza abesifazane bethunyelwa ejele. Kumele sihlangane singumphakathi silwise udlame olubhekiswe kwabesifazane.”-Isolezwe
