Uncategorized

Siyayifuna imali: Winston

27 May, 2021 - 00:05 0 Views
Siyayifuna imali: Winston Winston Mhango

uMthunywa

YiNtatheli kaMthunywa
“SIPHILA ngebhola. Yikho lapho esidla khona kungakho kumele sinqobe kunkezo yeChibuku Super.”

La ngamazwi kaWinston Mhango oweHighlanders, oyingcitshi yokutshibilika esiswini senkundla ecebisa abanye bakhe kuleliqembu ukuthi babambe ziqine.

UMhango akasoke abekhona kumidlalo yamaqoqo ngenxa yokuthi incwadi zakhe azikalungisiswa.
Umdlali lo uvele kuqembu leKwabwe Warriors kweleZambia.

Ekhuluma loMthunywa ngesikhathi evela ncedisa ukulolonga ngoLwesithathu ekuseni, umdlali lo uthe njalonje utshela abadlali abasakhula kuHighlanders ukuthi bakwazi ukuthi baphila ngenguqu.

“Akufihlwa ukuthi abadlali benguqu siphila ngebhola. Yikho ngicebisa abanye bami ukuthi babophe ziqine kuChibuku Super Cup. Imali yalinkezo siyayifuna,” kutsho uMhango.

IBosso ngempelaviki idlala leChicken Inn, kumdlalo odibanisa omakhelwane abangaboni ngaso linye kunobhutshuzwayo.

Amathimu la akuqoqo lika-B okulamanye amaqembu abalisa iBulawayo Chiefs leBulawayo City.

Kumaviki adluleyo, uMhango wabikela uMthunywa ukuba ufisa ukudlalela iBosso enkundleni zeChampions League.

“Ukuba yingxenye yeqembu elizakuyancintisa kuChampions League kungikhuthaza ukuthi ngiqale ukutshintsha umdlalo wami, uqanse uye ezingeni eliphezulu. Ukubonakala udlalela kusigaba esiphezulu kangaka kuyangithokozisa,” kutsho lumdlali.

Share This:

Sponsored Links