uMthunywa
Lovemore Dube
OMUNYE wabadlali owadla ubhedu ngeminyaka yama-1970s, uAndrew Kadengu kasekho.
UKadengu ubhubhe ngoLwesibili emini edolobeni leChinhoyi ngemva kokugula okwenyanga ezimbili ehlaselwe ngumkhuhlane we-stroke.
Ubeleminyaka engu-72.
UKadengu udlalele amaqembu ambalwa kodwa indumela yakhe ikhule ekuqembu leZimbabwe Saints lapho anqoba inkezo ezimbalwa ngeminyaka iChauya Chikwata izibambile kunguqu yakuleli.
Umdlali lo waqala ezenguqu sokusiyaphela iminyaka yama-1960s, edlala kuqembu elalikuzinga eliphezulu elalithiwa yiMangula.
Watshengisela ukuthi angaya kude kulumdlalo ngokubizwa elabanye ababili kuqembu lesizwe eladlala leAustralia kumdlalo wokukhankasela ukuyadlala kuWorld Cup ka1970.
Yena lo-Itai Chieza owayedlalela iMangula lonozinti weZimbabwe Saints yibo abasakhulayo abanxuswa ukuthi balolonge labadlali abadala ababegoqela uGibson Homela, Sherperd Murape,
James Nxumalo, Hilton Granger, Topsy Robertson, James Chibaya, Peter Haddon, William Sibanda, Bobby Chalmers, Shadreck Ngwenya, Isaac Chieza, George Shaya, Rob Jordan loStewart Gilbert.
Ngenxa yomncintiswano owawukhona, iqembu leMangula labona angathi ukuhluma kukaKadengu kungathatha isikhathi eside, kwasekufakwa iqhinga lokuthi ayedlalela i-Alaska Mine.
Wadlaladlala wasesiya kuqembu le-Umtali United lapho adibana laboWonder Chisetera laboJohn Nyazika labo Ebson Muguyo.
Wazothathwa liqembu leZimbabwe Saints ngo1973 sokusiyaqala u1974 elaboMuguyo, Homela, Sibanda loDouglas Maneto loMax Tshuma babazimbabazane phambili.
Bakhokhela phambili kwathathwa iNyore Nyore Cup, leChibuku Cup league. Ngo-1977 kwabangumnyaka wabo omkhulu ngoba bathatha inkezo enkulu yeCastle Cup lesicoco seligi, okungasiyo mvama emdlalweni webhola.
Ibizo lakhe laqhela, laphakama, kwazokuthi ngo1978 wabangomunye wabalitshumi lanye abakhethwa njengabadlali abadlale kuhle okwamagama, kukhalenda yeCastle Lager Soccer Stars.
Wabaphakathi njalo kweqembu leSaints elanqoba kuligi yesigaba sentshonalanga ngo1979, bazobhuqwa yiCaps United kumdlalo wokubambanisa ilizwe.
Yena labanye bakhe bakhulelwa njalo yiCaps United kuChibuku Trophy Final yalowo mnyaka.
Watshiya umdlalo ngo1987, amaKhisimusi enguqu esemanengi.
UFrancis Zimunya owadlala kuBlack Aces njalo ephitsheke kakhulu ngelungelo lemfanelo zalaba abakebadla ubhedu uthe uKadengu wadlala kuhle njalo ekutshiyeni kwakhe wazimisela ekuthuthukiseni umdlalo webhola.
“Ubengomunye wabalutshwana abayafundela ukuqeqetsha eBrazil. Ubekunhlelo zokukhulisa umdlalo njalo senza sonke izifundo ezimbalwa,” kutsho uZimunya.
Abantu babuthene edolobheni leChinhoyi eColdsteam ku4273. Utshiye amantombazane amabili.
