uMthunywa
UGIXABEZWE odilikajele abayisithupha owesilisa wase-Eastern Cape ngecala lokubulala intombi yakhe lezingane zabo ezinhlanu.
UNowa Makula ugwetshwe yiNkantolo yesiFunda e-Elliotdale ngoMsombuluko lapho avume khona icala lokubulala intombi yakhe lezingane zabo ezinhlanu eSidabekweni ngolwezi nyakenye.
Emaphepheni asenkantolo, uMakula uthe wabulala umdeni wakhe ngemva kwengxabano lentombi yakhe.
Izingane bezileminyaka ephakathi kwezinyanga eziyisithupha leminyaka engu-10 ubudala.
Okhulumela uphiko lwezokutshutshisa, uMnuz Luxolo Tyali, uthe uMakula wageca umdeni wakhe wonke ngembazo.
“Bonke wabagenca wababulala ngembazo ngemuva kokusola ukuthi intombi yakhe iyamjolela,” kutsho uTyali ekhuluma ne-EWN.
UTyali utshayele ihlombe abaphenyi labashushisi ngokuphothulwa kwaleli cala masinyane.