uMthunywa
Musa Janga
KULENDODA yakoBulawayo edonsele abakwabozala emthethwandaba weTredgold kuviki edluleyo ithi ifuna imali yayo yamalobolo.
UNjabulo Nkomo udonsele u-Ida Moyo ongugogo wentombi yakhe uLizzy Moyo emthethwandaba ethi usefuna imali yakhe yamalobolo ngoba uLizzy eselenye indoda.
Inkundla izwe ukuthi uNkomo walobola uLizzy Moyo ku-Ida Nkomo ngemali engange-US$800 kodwa kuthe ngokuya kwesikhathi ugogo uMoyo ubengasamamukeli uNkomo njengomkhwenyana ngoba ethi setholele umzukulu wakhe ijaha elingcono.
Ebuzwa yinkundla uNkomo uthe walobola iLizzy kuminyaka emibili edluleyo kodwa kwathi ngokuhamba kwesikhathi ugogo uMoyo wayeselokhe emhlupha ngokuthi ufuna enye imali, engekela uzadingela umzukulu wakhe elinye ijaha.
Emetheswacala ulandule icala leli wathi kazange adingele umzukulu wakhe ijaha njalo kazake abone umzukulu wakhe elelinye ijaha.
“Umkhwenyana ongcono lowo athi ngadingela umzukulu wami angimazi, kwala ngitsho laye uLizzy kazake angitshengise elinye jaha. Khathesi umzukulu wami uzithwele isisu sakhe uNkomo,” kuchaza umethwesacala
Ngemva kokulalesisisa lelicala umantshi uNkosazana Ulukile Nleya uthe imicijo ekhulunywa ngumamangala iyaziphikisa ngakho yena lelicala selivala.