uMthunywa
ABESIFAZANE abahlukunyezwa ngabathandana labo kumele behlukane lokufela ngaphakathi okwebutho likaZulu, baphumele obala babike ngezinkinga ukuze balulekwe. Lowo kube ngumyalezo wosuku ngesikhathi kwethulwa uhlelo lokusiza abesifazane ekulweni lokuhlukunyezwa kwabo olubizwa nge-Intimate Femicide.
Lo mcimbi obuhlelwe ngumnyango wezoBulungiswa kuzwe lonke, obuseProtea Hotel eThekwini eSouth Africa ngoLwesihlanu. Abesifazane abayizisulu zokuhlukunyezwa bathole ithuba lokuxoxa ngezinkinga zabo lokwabelana ngezeluleko.
Omunye wabo obethula inkulumo uNkosazana Maureen Zamagatsheni Ndlovu, owasinda ngokulambisa isoka lakhe lizama ukumbulala usekhiphe incwadi exoxa ngosizi abhekana lalo. Utshele abesifazane ukuthi abaphumele obala ngokuhlukunyezwa bangathuli.
“Uma usahleli lothandana laye okuhlukumezayo, awuzithandi. Mtshiye lowo muntu ngoba ungafa lokufa,’’ kweluleka uNkszn Ndlovu elandelwa lihlombe elikhulu. Uthe yena useke wadlwengulwa liphoyisa elalimsiza ngesikhathi elimele.
“Lokudlwengulwa ngisuka kukho ngikwazi kahle, ngadlwengulwa ngumuntu engangimthemba. Lasekhaya ngangikhule ubaba ehlukumeza umama phambi kwami,’’
Utshele imbokodo ebigcwele indlu ukuthi umuntu wesifazane uyakwazi ukuphumelela ezimele ngaphandle kokuncika kowesilisa.
“Uyindlovukazi ngaphandle kowesilisa, ngoba okunye okuhluphayo yikuthi sincenge ukondliwa sihlalela izingane sisesaba ukutshiya. Kuphelile lokho, phumela obala ubike, impilo izoqhubeka.
Lo mcimbi ubuhanjelwe layiPhini likaNgqongqoshe wezoBulungiswa uMnumzana John Jeffery, otshele abesifazane ukuthi ababodwa kodwa lohulumende wenza konke okusemandleni ukuthi abahlukumezi bajeziswe.
“Zinengi izinhlelo ezikhona ezibhekane lokuhlukumezeka kwabesifazane. Lingesabi ukubika lasemaphoyiseni, kulezinhelo ongeniswa kizo ukuze uchaze udaba lwakho ungabonwa muntu,’’ kutsho uJeffery.
Uthe okunye okukhathazayo yikuthi abantu bayawavula amacala bebuye bawahoxise. Wathi lesi sihlava kufanele wonke umuntu asisukumele.
“Ukuhlukumezeka yinto engakhethi bala noma isigaba sempilo, yinto ehlasele yonke indawo, kufanele sibambisane ekulweni layo,” kutsho uJeffery. Lezi zithangami kulindeleke ukuthi zijikeleze zonke izindawo ukusiza abahlukunyezwayo. — Ubulembu