uMthunywa
Ethel Ncube
UMONGAMELI welizwe u-Emmerson Mnangagwa usebike ukuba ukhetho lwalonyaka luzaqhutshwa mhlaka 23 Ncwabakazi.
Mhlalokhu kuzavotelwa uMongameli, abammeli bedale lePhalamende lamakhansila. Ukwamukelwa kwamabizo alabo abazavotelwa kuzakuba mhlaka 21 Nhlangula emthethwandaba we-Nomination Court.
UMongameli Mnangagwa uveze njalo ukuba nxa kungaba lesidingo se-run off, kuzabuyelwa kukhetho mhlaka 2 Mfumfu 2023.
Kumbiko okhitshwe yi-Government Gazette, uMongameli uMnangagwa uthe:
“Ilanga lika 23 August 2023 lilanga lokukhethwa kukaMongameli welizwe, abammeli bedale lePhalamende lamakhansila, njengokuphawulwa kusiqephu 46 (17) c kumbe 125 (4) (b) somthetho we-Electoral Act [ Chapter 2:13.
Ngokunjalo, kukhetho lukaMongameli, abafuna ukuvotelwa bazaletha amaphepha abo emthethwandaba we-Nomination court, ezaqhutshwa ku-High Court A, eHarare.