uMthunywa
KUTSHISWE owesifazane oleminyaka engu-75 wafa esolwa ngokuthakatha.
Lokhu kwenzakale kungakapheli ngitsho leviki kubulewe abesifazane ababili ngendlela efanayo.
Laba abesifazane ababili babesolwa ngokuthakatha.
Lintombi endala ele-75, yesigodini iBooksneck eMaXesibeni okuyidolobha elisemngceleni we-Eastern Cape laKwaZulu-Natal ubulewe ngaphambi kweKhisimusi.
Ngeledlule abesifazane bandawonye oNothenthisa Ntshamba (53) loNtombi Ndlanya (48) batshiswe bangqongqa esigodini iNgonyameni.
Usodolobho we-Alfred Nzo District, uMnumzana Sixolile Mehlomakhulu ukugxekile ukubulawa kwabantu ngoba besolwa ngokuthakatha.
“Nginxusa amapholisa ukuthi asebenze ngamandla abophe labo abathinteka kulezi zehlakalo zokubulawa kwalaba besifazane. Kumele babhekane lengalo yomthetho,” kutsho uMehlomakhulu.
Unxuse umphakathi ukuthi uqaphele ungavumeli izinto ezifana lalezi ukuthi zenzeke lapho ohlala khona.
Uthe bazoqinisa umkhankaso wokulwa lokuhlukunyezwa kwabantu ngenxa yobulili, wathi lumkhankaso uzagxila ezintweni ezithinta ukusolwa kwabantu ngokuthakatha kulesi sifunda.
“Ikhansili izaphathisa ukuthi abagilwa bafihlwe ngendlela elesizotha. Sidlulisa amazwi endunduzo emdenini yabatshonelweyo.”
