uMthunywa
Thokozile Mbedzi
KUTHOLAKALE izitho zomzimba zomuntu zindenda emanzini esiqintini seMbevha eChivi okucatshangelwa ukuthi umuyi angabe wahlaselwa yingwenya.
Kubikwa uTinashe Mparere oleminyaka engu-36 yokuzalwa wathi esiyakukha amanzi wahlangana lalinhlekelele emfuleni uTugwi.
Ekhuluma lentatheli kaMthunywa isikhulumi samapholisa esabelweni seMasvingo ulnspector Kudakwashe Dhewa uthe: “uTinashe Mparere sathi sisiyakukha amanzi emfuleni sabona izitho zomzimba zindenda emanzini emfuleni uTugwi.
“Esebone lokhu uMparere wahle wabuyela emuva wayabikela omakhelwane ngalokhu ayekubonile okwenza beza ukuzophosa ilihlo andubana babize amapholisa.
“Amapholisa eChivhi yiwo akhiphe ezinye izitho zesidumbu lesi emanzini emfuleni. Ezinye izitho ezibalisela ikhanda, isifuba, izitho zangasese bekungasekho. Umzimba lo ubusuwonakele.
“Amapholisa aphenyisisa abona ukuthi endaweni lapho okuthokale isidumbu lesi yindawo okulengwenya.
“Umzimba lo yikho kuzadingisiswa ukuthi ngokabani njalo kudingwe lezihlobo. Okwamanje sisaphenya ngokubanzi ngalesisehlakalo,” kuphetha ulnsp Dhewa.
