uMthunywa
BUCHITHWE sebugayiwe utshwala besizulu kumiswa umngcwabo womdeni wakoMthimkhulu e-Afrika, eNanda kulandela ukuba abangcwabi bewubambise udonga.
UMnu Mphikiseni Mthimkhulu bekulindeleke ukuthi abekwe lamhlanje, ngeSonto kuphoqeleke ukuthi umdeni uwudlulisele phambili umngcwabo, umnikazi wenkampani yabangcwabi Abangani Funeral Service (Abangani beqiniso), engasatholakali, ebabambise ilitshe.
Kubikwa ukuthi umngcwabi ucine ukuxhumana lomndeni ngoLwesine, bekulindeleke ukuba ayowukhombisa umgodi okuzongcwatshwa kuwo, kwacina kungenzakalanga.
Umdeni utshele leli phephandaba ukuthi kuthe sekumele bahlangani lomngcwabi (eligcine lingatholakalanga igama lakhe), ukuze ezobakhombisa umgodi lebhokisi, wangabe esatholakala ocingweni. Umdeni wakwaMthimkhulu uthi wajoyina umasingcwabisane lalabangcwabi ngo-2016.
Uthi ngenyanga ubukhokha uR3 10, isivumelwano sithi uma betshonelwa bazonikezwa isamba sika R4 300 wokuthenga imbuzi, ukudla baqhatshe lebhasi ezohambisa abantu emagcwabeni, umasigcwabisana ubuzophinde ubanike ibhokisi, umgodi, itende, amadlelo kanye lemota ezothwala isidumbu lomdeni.
Konke lokhu kugcine kufana lephupho, umnikazi wabangcwabi esebaleka wajike wathumela owesilisa ongumngane wakhe ukuba axhumane lomdeni.
ILANGA LangeSonto likhulume lomdeni ngaphandle kwesiteshi samapholisa eMtshebheni, izolo ngoMgqibelo uyobika ngalokhu.
UNkosikazi Zodwa Mthimkhulu oyindodakazi kamufi, uthi uyise udlule emhlabeni ngoMvulo ebusuku esibhedlela, exinwe ukugula.
“NgoLwesibili sixhumane laye lomlisa simazisa ngesifo ngoba bekumele ayolanda isidumbu emakhazeni kahulumende, asise kwawakhe. Usilandile isidumbu wasiyisa kwamanye amakhaza okungewona awakhe. Kusixakile lokhu kodwa sathula. Simtshele ukuthi sizofihla ngeSonto, savumelana ukuthi sizoxhumana ngoLwesine ukuze ezositshengisa umgodi emathuneni aseNanda, sikhethe lebhokisi bese esifakela lemali.
“NgoLwesine simthintile wasitshela ukuthi usewukhokhelile umgodi, asibuye sixhumane ukuze ezositshengisa. Ekuhambeni kwesikhathi simtshayele ucingo, bese lukhala kodwa lungasaphendulwa.
“Kuthe ntambama sathola ucingo kufona owesilisa ozibize ngoSthupha othe ungumngani womnikazi wenkampani yabangcwabi. Uthembise ukuthi uzoyifaka yena imali ngoLwesihlanu ntambama, laye wagcina engakwenza lokho.
“Ugcine esesibuza ukuthi akekho yini olemali ekhaya ukuze sizozigcwabela ibuye ilungiswe le nkinga. Sibone kungcono siye emapholiseni siyobika ngale nkinyankiya. Amapholisa amfonelile umngcwabi akhuluma laye ocingweni lomngani wakhe, wasitshela ukuthi masihambise izimpahla zikababa emakhazeni abazomgqokisa zona. Sifike emakhazeni basitshela ukuthi uma singamlandi ntambama ngoMgqibelo ubaba, umzimba bazowulaxaza phandle,” kutsho UNkz Mthimkhulu.
Uthi kabanzi bazokwenzenjani ngoba bengelayo lemali yokungcwaba, bebethembele lo masingcwabisane. “Sigcine siphoqeleka ukuthi sijikise abantu abebezofihla lomdeni, izihlobo ezihlala kude ezisebenzayo kugcine kuphoqa ukuba ziphindele emuva zingasangcwabanga ngoba bezicelile emsebenzini,” kutsho uNkkz Mthimkhulu obebonakala ukuthi ukhathazekile.
Okhulumela Abangani Funeral uMnu Mfanafuthi “Sthupha” Luthuli okunguyena obesexhumana lomdeni, uvumile ukuthi zibe khona izingqinamba ezibe khona eziholele ekutheni bahluleke ukugcina isithembiso abasenzile.
“Inkinga ebesibhekene layo yikuthi kujame ikhadi lasebhange lapho kugcinwa khona imali yokungcwaba. Imbangela yalokhu kube ukuthi bebebathathu abanikazi babangcwabi, oyedwa wabo wahlubuka wazenzela okwakhe yedwa eceleni.
“Ngiyacabanga ukuthi khona okuphambene lomthetho akwenzile kwabe sekuvela ebhange lokuyikho okwenze ukuba i-account ivaleke. Kodwa-ke umngcwabi uyazibophezela ukuthi umdeni uzowunxephezela ngezindleko njengoba ubusuhlele yonke into ngomngcwabo,” kutsho yena.
Mayelana lokuthi uma isidumbu singalandwa emakhazeni sizolahlwa, uthe akusilo qiniso lokho isidumbu sisagciniwe emakhazeni. -Ilanga
