uMthunywa
Ethel Ncube
KWEHLE iyezi elimnyama eRoodeport eMzansi Afrika lapho okutshone abantu abangu-19 emgodini ngemva kokuba bengenelwe ngamanzi ngeviki ephelileyo.
Amadoda la atshone esemgodini kubikwa ukuba angenelwe ngamanzi behluleka ukuphuma emgodini. Abanye abatshone kulingozi kubikwa yizizalwane zeZimbabwe, abanye bavela eNkayi kanye leLupane.
Kunkundla zokuxhumana bekukhanya imifanekiso yezidumbu zabantu belele phansi.
Amapholisa eGauteng avumile ukuthi udaba lwezidumbu zabantu abangu-19 abemba amatshe aligugu ngokungekho emthethweni okutholakale izidumbu zabo komunye umgodi alutholile.
Ukuchwayisisa okwenziwe ngamapholisa kuveza ukuba abantu laba bedlule emhlabeni ngemva kokungenelwa ngamanzi emgodini.
Imbangela yokufa kwabo izavela ngesikhathi sokuhlolwa ukuba kungabe kuyini okubabuleleyo,” kutsho amapholisa eSAPS ekhasini labo leFacebook. – Ubulembu