uMthunywa
LAMHLANJE siqala ngokupha impendulo zombuzo esawunika emaphethelweni esifundo sethu seviki ephelileyo lapho esasikhumbuzana khona ngokulwangisa sigxile ekwakheni isandiso sendawo.
Umbuzo ubumi kanje: Yakha izandiso zendawo ngamagama alandelayo uphinde utsho ukuthi leso laleso sandiso usakhe njani.
Amabizo lawo bekuyila: umqamelo, insimbi, impompi, umkhaza. Kugama umqamelo sisusa unkamisa /o/osekucineni sijobelele u-weni. Kugama /insimbi/ isandiso sendawo ngu/ensinjini/.
Sisusa unkamisa /i/ osekuqaleni siqale ngesakhi sesandiso sendawo u/e-/. Undebembili /mb/ osilungeni lokucina uguquka abengulwangeni /nj/ sisuse unkamisa osekucineni /i/ sijobelele u/ini/.
Kubizo impompi isandiso sendawo ngu/empontshaneni/. Sisusa unkamisa /i/ osekuqaleni siqale ngonkamisa /e/. Undebembili /mp/ oselungeni lokucina uguquka abengulwangeni /ntsh/ sisuse unkamisa /a/osekucineni sijobelele u/-eni/. Kubizo /umkhaza/ siqala ngonkamisa /e/ sisuse unkamisa /a/ osekucineni sijobelele /-eni/.
Ukusetshenziswa kuka-ko- lamabizo akhomba umuzi womuntu. Izibonelo: uDube isandiso sendawo ngu – koDube.
Kubizo uSibanda isandiso sendawo ngu – ko. Ibizo isandiso sendawo kubizo uMgezelwa kuthiwa koMgezelwa.
Nanku umbuzo wale iviki: Nika izibonelo ezilitshumi zesandiso ezikhomba isikhathi. Isibonelo : izolo.