uMthunywa
ISINQUMO seConfederation of African Football (Caf) sokubuyisela i-Africa Cup of Nations (Afcon) elandelayo kuZibandlela, sizokuba lomthelela ekutheni amaqembu ase-Europe ababuka kanjani abadlali abadabuka e-Afrika.
Ngaphandle kokubanyundela kumadlelo aluhlaza, lesi sinqumo singase sibagcine benyamanambana abadlali base-Afrika abayizinsika emaqenjini abo.
UJurgen Kloop, ogila izimanga ngeLiverpool, nguye obukeka ezathwala nzima ngoZibandlela womnyaka ozayo ngoba ulezihlabani ezinengi ze-Afrika.
Umqhudelwano olandelayo ususwe kuNhlangula loNtulikazi ekubeni ngo-2017 kumenyezelwe ukuthi ngeke uphinde udlalwe ngoZibandlela ngoba kuba lokuphazamiseka ebholeni le-Europe. Ngomnyaka odluleyo i-Afcon ebise-Egypt idlalwe ngoNhlangula okwenze lamaqembu ase-Europe ayijabulela kwazise isizini ibivalile.
Okwehlisa ulaka lapha yikuthi njengoba kuguqulwa kubuyelwa kuZibandlela nje, lokhu kuzokwenzeka kulo mqhudelwano ozabe useCameroon ngomnyaka ozayo kuphela.
Phakathi kweviki kuqubuke amahemuhemu akhomba ukuthi izakuba munyu indaba yokutshintsha isikhathi salo mqhudelwano ngoba kubukwa isimo sezulu esingesihle kubadlali lakubalandeli eCameroon phakathi komnyaka.
Kuthiwa ngoNhlangula ilanga laseCameroon liba yinkinga ngale ndlela yokuthi kuphuma izidumbu ngenxa yalo. Kufanele futhi ukuthi kuzoyijabulisa iFifa lokhu ngoba lo mqhudelwano ngeke usatshayisana leClub World Cup (njengeligi) esizodlalwa isikhathi eside kusukela ngawo belu * -2021.
Lesi sinqumo sitshiye amaqembu amanengi ase-England engazi lokuthi kufanele enzeni ngoba azohanjelwa ngabadlali bawo abamqoka ngesikhathi lapho ebadinga kakhulu. NgoZibandlela umbango wesicoco usuke usushube kakhulu ku-English Premiership.
UKloop kumele adlale ngaphandle kukaSadio Mane, Mohamed Salah loNaby Keita, uma amazwe abo ezifaka kulo mqhudelwano.
I-Liverpool ayikho ngaphandle kukaSalah noMane. KuManchester City bazolahlekelwa uReyad Mahrez omqoka kubona kanti lokaputeni weGabon, uPierre-Emerick Aubameyang loNicholas Pepe we-Ivory Coast (bobabili be-Arsenal) abamthenge ngetshe lemali, ngeke babe khona.
