uMthunywa
UPhaeteon Mutiyaya owathengisela abantwana abalitshumi utshwala usegwetshwe ukuthi ayepika ejele inyanga ezingamatshumi amabili lane.
UMutiyaya, oleminyaka engu-23 yokuzalwa, ugwetshwe emthethwandaba weMbare Magistrates ngoMvulo emini.
Abantwana abathengisela utshwala baleminyaka yokuzalwa ephakathi kwemihlanu kusiya kwelitshumi lanye.
Isigwebo sakhe simi kanje:
– Inyanga ezilitshumi lambili zokuthengisela abantwana utshwala, lezinye ezilitshumi lambili zokuthengisa utshwala engelachence lokwenza lokhu.
-Inyanga ezine zokuvula isitolo okungekho emthethweni kodwa ezibuye zesulwa kukhangelelwe ukuthi angadali icala elifanayo kuminyaka emihlanu ezayo.
UMatiyaya uzakuyapika inyanga ezingamatshumi amabili lane.
Amacala akhe avela ngemva kokusabalala kwevidiyo yabantwana ababedakiwe enkundleni zokuxhumana, okwadala ukuthi kube lensolo lokukhonona ngokuthengiselwa kwabantwana abaleminyaka engaphansi kwengu-18 utshwala.
UMatiyaya wayethengisa utshwala okungekho emthethweni endlini yakhe eMbare