uMthunywa
NGITSHO labantu abahlala kule indawo abangabafuyi impilo yabo yonke abakaze babone okunje.
Kazange abulawe kuphela yinkomo uZininzi, isifuyo lesi saphinda sadla isidumbu sakhe.
“Indaba efana lale ngangizizwe nje kunganekwane,” kutsho esinye isihlobo sakhe uLitha Ludidi.
Kungathi nje kulomuntu ongethela inganekwane,” kutsho uLudidi oleminyaka yokuzalwa engu-53 weMdeni eQumbu, esabelweni seEastern Cape echaza ngokufa kukaZininzi.
“Khathesi sengikukholwa njalo sengikwamukela ukuba akukho okutsha ngaphansi kwelanga.
“Ngangibona angathi akukho okungangethusa futhi, kepha lokhu kuhluke ngokupheleleyo. Lokhu kasikaze sikubone.”
uZininzi
Ekhuluma emele imuli yakoMthethandaba, uLudidi ubikele iDaily Sun ukuthi uhlangane lengcitshi zezifuyo ezine ezithe isifuyo esigulayo singenza loba yini.
“Sizalinda uhlangothi lweZokulima ukuthi lusitshele osokwake kwenzakala ngaphambi kokuba sisole imimoya emibi,” kutsho uLudidi.
UMthethandaba ubengumbalisi ofundisa abantwana abakubanga likaGrade 3 eNcothi Senior Primary School kusukela ngo-2008.
Umphathisikolo uMzuvukile Mjanyelwa uthe balahlekelwe kakhulu njengesikolo.
“Abantwana besikolo abahlala lapha kunzima ukuthi bakwamukele ukuba umbalisi wabo kasekho,” kutsho uMjanyelwa.
“Kangikaze ngibone umuntu edliwa yinkomo, kodwa lokhu kuze kwenzakale ngeviki ephelileyo ngangikhona ngazibonela ngawami amehlo. Amalunga omzimba wakhe ayegcwele indawo yonke.”
Imbedumehlwana le yenzakale ngeviki ephelileyo njalo uMthethandaba ubekwe mhlaka 2 Zibandlela.
UNolitha Ludidi ovela eHlubi Traditional Council ubelokhu ethukile ngesikhathi intatheli zikhuluma laye. Uthe uzalinda uhlangothi lwezokulima ukuthi luveze imbangela eyenze inkomo yadla umuntu.
“Inkomo isendaweni ephephileyo njalo ingcitshi kukhangelelwe ukuthi zifike lapha ngeviki ezayo,” kutsho Ludidi. – Ubulembu
