Uncategorized

Indoda idutshulwa ka-13 isemzini wayo

05 Jan, 2023 - 00:01 0 Views
Indoda idutshulwa ka-13 isemzini wayo Iphistol

uMthunywa

Ethel Ncube
KULENDODA yeSiameja eBinga elunguze umnyaka omutsha yabuya yedlula emhlabeni ngelanga lesibili lokuqala komnyaka ngemva kokudutshulwa kanengi emhlane lasenyaweni ngumuntu engambonanga ukuthi ngubani.

Indaba le yenzakale ekuphetheni komnyaka lapho uWindusi Nkamusikativi oleminyaka engu-48 yokuzalwa ethe evela emasimini ntambama esehlezi elungela ukudla isitshwala santambama kwezwakala umbhobho usukhala uvelela emnyameni inhlamvu ziqonda kuye.

UMthunywa uxhumane lesinye isakhamuzi sakule indawo esiveze ukuba lindaba yenzakele njalo itshiye izakhamizi zithithibele.

ulnspector Glory Banda

“Ubaba lo wayehlezi phandle lamakhosikazi akhe amabili eseqala ukudla kwezwakala umbhobho ukhala wadutshulwa kanengi emhlane lasenyaweni ngumuntu esemnyameni, umadubula kazange abonakale wayedubula.

“Edutshulwa kanje amakhosikazi akhe aphaphatheka ayacatsha emkulwini. Umuyi kubikwa wehluleka khona ukuthi abaleke inhlamvu sezimtshaye kanengi wezwakala ehlaba umkhosi nje ekuqaliseni.

“Akukaveli ukuba ngubani owenza ihlazo leli njalo akekho osebanjiwe osolelwa lelicala,” kubika isakhamuzi lesi

Uqhubekele phambili eveza ukuba umuyi bamtshiya ephila kodwa isimo sakhe sisibi.

“Umuyi wasala ephuma igazi enyaweni lasesifubeni ngenxa yamanxeba okudutshulwa wahanjiswa esibhedlela seBinga wafika wadluliselwa esibhedlela seMpilo koBulawayo lapho afika edlula khona emhlabeni ngenxa yamanxeba wokudutshulwa,” kubika isakhamuzi lesi.

Iphephandaba likazulu lixhumane lesikhulumi samapholisa eMatabeleland North uInspector Glory Banda ochaze ukuba udaba lolu ulutholile.

“Amapholisa acwayisisa ngodaba lwendoda efe ngemva kokudutshulwa ngumsolwa ongabonakalanga.

“Amapholisa ananzelele ukuba umuyi ubedutshulwe ka-9 esifubeni, enyaweni lasemahlombe,” kuphetha uInsp Banda.

Share This:

Sponsored Links

Survey


We value your opinion! Take a moment to complete our survey

This will close in 20 seconds