uMthunywa
ZiNtatheli zikaMthunywa
WEHLELWE yinhlanhla yamaSwazi umfana weFolosi nanko phela uthole ithuba lokuya cindezela ingoma zakhe kweleMzansi Africa.
UAndrea Sibanda odabuka eFolosi wazakhela udumo ngokuphuma kwenye ividiyo eyasabalala kunkundla zokuxhumana ezihlabelela labanye abangakibo, lamuhla usesaziwa ngelokuthi Andrea the Vocalist.
Ekhuluma lentatheli uManeja kaAndrea, uTendai Joe uveze ukuba umculi uAndrea usezandleni eziphephileyo.
uAndrea the Vocalist lo Aubrey Qwana
“Umhlabeleli uyakholisa isikhathi sakhe eMzansi. Lapho esihamba khona wonke umuntu uyamamukela.
“U-Andrea ngemva kokushuta loAubrey Qwana uhlangane njalo lo Dj Maphorisa abayibo abasebenzelana laye ukucindezela,” kubika uTendai.
Uqhubekele phambili eveza ukuba umhlabeleli uAndrea selengoma ezimbalwa ezitshisa bhe.
“Enye yezingoma zakhe ilolongwa nguBothlale ikhutshwe nguDobby4040. U-Andrea usebenze kuhle njalo ngokuzimisela njalo zimbona engumhlabeleli olekusasa elihle kakhulu nanko phela lapha ahamba khona abantu bayamthakazelela ngitsho labaculi abakhulu,” kuphetha uTendai.
