uMthunywa
YiNtatheli kaMthunywa
NGEMVA kweminyaka yokudlalela indlala, abadlali bebhola lokuqaga kuleli sebezathola usizo losekelo lwemali olubiza i$11 miliyoni kunkampani yePetroglow Trading.
Usekelo lolu luzaphathisa kabanzi imidlalo yeligi yezwe lonke eyeRainbow Amateur Netball League.
Inkampani le isiveze ukuthi ifuna ukuba yingxenye yokuphumelela komdlalo wokuqaga. Kukhangelelwe ukuthi usekelo lwemali lolu lwengeze ukuhlabusa kwemidlalo ngoba abadlali sebethole idlabuzane lokuzitshengisela.
Kusenjalo amathimu akuligi le asethembise ukuthi ngesizini ezayo azaletha umncintiswano ongaphezulu.
Abakhokheli be-netball bathi kade baqala ukuncenga amankampani labantu abalemali kulelidolobho kodwa balokhe betshaya edwaleni.
Besekuyiminyaka umdlalo wokuqaga ukhankasa kumantombazana alethalenta lomdlalo ukuthi azibonakalise ngokuba yingxenye yomdlalo kodwa kusehlula ngoba kungela sekelo.
Ngokuzimisela kwe-Glow Petroleum, umdlalo usungaphakama uyekuzinga eliphezulu.
