IFC Platinum yizikhokho zeChibuku Super

06 Dec, 2021 - 14:12 0 Views
IFC Platinum yizikhokho zeChibuku Super Chibuku-Super-Cup

uMthunywa

YiNtatheli kaMthunywa

Iqembu le FC Platinum libe yintshantshu yenkezo ye Chibuku Super Cup ka2021 ngemva kokunqoba iNgezi Platinum Stars ku-final edlalwe ngeSonto.

Abafana bePlatinum banqobe lumdlalo nge 5-3 sekukhatshwa imbekwa.

Imizuzu yokuqala engamatshumi ayisitshiyagalolunye ibe lamathuba ambalwa, zombili zithobelene kungela ekhanya izimisele ukuhlohla.

Kodwa, iFC Platinum yiyo ebilawula ukuphatheka kwebhola umdlalo wonke, ikakhulu esiswini senkundla.

Ngsikhathi sekutshaywa imbekwa, iNgezi ikhuthe kabili, kwathi abafana bePlatinum bagaxe wonke amabhola emambule.

Ukunqoba kungokwesibili kuFC Platinum, ngemva kokuphakamisa inkezo ngomnyaka ka2014. Ithole ithuba lokumela ilizwe kumncintiswano olandelayo weCAF Confederation Cup.

Share This:

Sponsored Links