uMthunywa
Silo Ophezulu stinta
Sisaqhubeka sikhumbuzana ngezihlahla zomdabu, amabizo azo esintu, indlela ezibonakala ngakhona kanye loncedo lwazo olutshiyeneyo empilweni.
i. Ichithamuzi sikhula okwamagama leso sihlahla njalo silamahlamvu angangesandla. Yisihlahla esisetshenziswa kakhulu zinyanga. Ebusika sichinca amanzi kanti ke asibaswa.
ii. Imandlwane yisihlahla esikhulu esisetshenziswa ukuziqhola. Amahlamvu aso anuka mnandi, laso-ke sasisetshenziswa njengamakha.
iii. Isafice yisihlahla esibuthakathaka esithi singoma kasiphehlwa njalo kasephuki lula. Isigodo sakhona esomileyo silula njalo inkuni sazo silungele ukupheka amagcobo ephehla.
iv. Intakubomvu kasikhuli okuya ngaphi isihlahla lesi, siba njengengaphansi kwedolo lomuntu omdala. Abantwana baso baba phansi eduze lesibindi saso. Izithelo zakhona nxa zingakavuthwa zilombala oluhlaza ezinye njalo zibomvana. Sona-ke sivuthwa ehlobo ngesikhathi sokulima. Izithelo zakhona ziphose zibenjengesigangatsha kodwa ke zinkulu.
v. Yisihlahla nje esikhula okulingeneyo njalo sibuthakathaka. Ugatsha lwakhona alulutho ukwephuka. Izithelo zakhona ziluhlaza nxa zingakavuthwa, zingavuthwa ziba yimpunga lobumnyama. Abadala babebona ngaso nxa kuzaba lenala, sasizala kakhulu. Amaxolo esigangatsha angumuthi wokwelapha izilonda.
