uMthunywa
NGEVIKI edlulileyo besixoxa ngokumisa isikhathi kusetshenziswa ulimi oluqondileyo.
Sinanzelela ukuthi izikhati ezinengi sizithola sixubanisa ulimi ikakhulu lapho sikhuluma ngesikhathi, inyanga zomnyaka, amalanga eviki.
Ngithemba wenelisile mfundi ukutsho izikhathi eziqondileyo.
Akesikhangele umsebenzi weviki edlulileyo;
(a) Umfundisi wathi uzafika ngoLwesithathu lweviki yokuqala ngenyanga kaMabasa.
(b) Izikolo zizavulwa ngolweSine lweviki yokucina ngenyanga kaMpalakazi.
(c) Umdlalo webhola uzaqalisa ngeSonto ngeviki yesibili kaNkwenkwezi.
(d) Kuthiwe inkomo zizathela ngolweSibili lweviki yesithathu ngenyanga kaMpandula.
(e) Lonyaka umncintiswano wezikolo zonke ungolweSihlanu lweviki yesine ngenyanga kaNhlangula.
(f) Kuthiwa izinduna zonke ziyafuneka ngoMgqibelo lweviki yesibili ngenyanga kaMfumfu
(g) NgolweSibili lweviki yokucina, ngenyanga kaLwezi kuzabe kuthethwa icala lenduna yeMatopo
(h) NgoMvulo oweviki yesibili ngoMpalakazi kuzabe kutshada indodana yenduna yakithi.
(i) Kwabonakala inkanyezi isiwa ngolweSithathu lweviki yesine ngenyanga kaMbimbitho
(j) Umfana wami uya kwelamaNgisi ngolweSihlanu lweviki ka Nhlangula.
Mfundi akuzibuze wedwa, uyazazi na inyanga zomnyaka ngeSiNdebele.
