uMthunywa
YiNtatheli kaMthunywa
UMPHAKATHI wesiqintini seBulilima East esabelweni seMatabeleland South, usukhuthazwe ukuthi ubambane ekwakhiweni kwama-laboratories ezifundo zeSayensi esikolo seNtunungwe Secondary.
Lokhu kuza ngemva kokuba amankampani lengatsha zikaHulumende zithembise ukunikeza lesi isikolo usizo lwempahla ezasetshenziswa ukuqeda ukwakhiwa kwama-laboratories.
Injongo yesakhiwo lesi yikulandela uhlelo lukaHulumende olokuthuthukisa iEducation 5.0, njengokuhlela kweNational Development Strategy.
Amankampani lengatsha zikaHulumende ezisukumele phezulu ukuphathisa isikolo seNtunungwe yi-Environmental Management Agency (EMA), iAllied Timbers, osomabhizimusi bePlumtree, izizalwane zakuleli eziseSouth Africa lakwamanye amazwe.
Umphathi wesikolo lesi, uMnumzana Desire Mpofu, uthe kumele kusetshenzwe ngokuphangisa ukwakhiwa kwe-laboratory.
“Ukwakhiwa kwesikolo sethu kubangelwa yikuthi abantwana bebehamba imango emide. Kuthe ngo2015, izakhamizi zabopha iqhinga lokuthi zakhe lesi isikolo.”
Umsebenzi wokwakhiwa kwamakilasi ezifundo zeSayensi kukhokhelwe ngummeli wePhalamende weBulilima East uNqobizitha Mangaliso Ndlovu.
