uMthunywa
LATHI liphuma ilanga lebusika emaguswini ase Rietkuil eVaal enyakatho yase Johannesburg kweleSouth Africa umsindo wamajaha asakhulayo wezwakala besesekhatshana behlabela izingoma zemvelo.
Abaphathekayo emcimbini babehamba bengagqokanga enyaweni bethandele kuphela enqulu njalo bezipendile ngesibhuda semvelo esibomvu ngemva kokuqeda amaviki ezintabeni beqeqetshwa.
Abephephandaba leDaily Sun babekhona ekunxusweni kwabo ngubaba uNeo Majantja Motloung umholi wesikolo sokusoka esasesileminyaka engafika engamatshumi amane sasungulwayo.
Minyaka yonke abenhlanganiso yeDaily Sun banikezwa imvumo eqakathekileyo yezinsuku ezimbili wokubakhona lapho kusenziwa umcimbi wokuqeqetsha njalo lonyaka amajaha angamatshumi amabili lasitshiya galo lunye lowesifazana oyedwa baqedile umcimbi wobusika.
Abaphathekayo kulumcimbi bonke babevela kuzindawo ezitshiyeneyo zase Vaal ezigoqela ePolokong, Esebokeng laseMuvhango. Lemideni yabo yayikhona ngobunengi layo izoba ngabafakazi ngokuqeda kokuqeqetshwa kwalumcimbi.
Ngokutshona kwelanga ngoLwesihlanu abaphathekayo kumcimbi basebesukile entabeni sebeqonda endlini kaMotloung lapho abalala khona.
Kulandelwa amasiko ibhuma liyatshiswa litshiywe okuyisibonakaliso sokuthi sokuphelile ukusokwa. Lingakaphumi elangoMqibelo basuka egumeni lika Motloung sebesiyakwenza imikhuba belungiselela uhambo lokuya ekhaya.
Umkhuba oqakathekileyo ngoweHo tshwela noto. Okungumthetho wokugijima lisehlukanisa ekuphumeni kwelanga ngemiqwayi emoyeni.
Emini ngalolosuku bonke bembatha ingubo lamalembu amahle behlabela kubangane lezihlobo.
Oziqhenyayo oyedwa, udade uMatshidiso Mara (23) wehlisa izinyembezi ngesikhathi ebona umfowabo omcane oleminyaka engu-18, uBafana esehlabelela izingoma zemvelo.
“Ngiyathokoza. Useyindoda khathesi,” kutsho uMatshidiso.
UMotlaung uthe kuminyaka engamatshumi amathathu alesitshiyagalo lunye walumcimbi akukaze kubekhona loyedwa ofayo kumbe ogijinyiselwa esibhedlela.
Abafana laba bengakasuki, ngiyabapha imithetho lemikhuba yempilo ngazo zonke indlela okufanele zenziwe kuhle. — Ubulembu.
