uMthunywa
IZOLO mhlaka 6 Mpandula kufe abantu abalitshumi lanye bebulawa ngumkhuhlane weCovid-19 kwaphinda kwatholakala abantu abangu-121 belomkhuhlane lo.
Loba inani labantu abalokhu bephathekile emzimbeni ngenxa yomkhuhlane weCovid-19 lingaphansi kwe-5 000, isitatimende sogatsha olubona ngezeMpilakahle lokondliwa kuhle kwabantwana siveza ukuthi abangu-173 balalisiwe ezibhedlela ezehlukeneyo kukanti phakathi kwabo abahlanu basesimeni esibi. Kusukela ngesikhathi umkhuhlane lo uqala elizweni sokulabantu abangu-4 493 asebebulewe ngumkhuhlane lo.
Kusenjalo uhlelo lokuhlatshwa kwabantu ukuze bavikelwe kuCovid-19 luqhubekela phambili nanko phela abantu abangu-16 407 bahlatshwe ijekiseni yokuqala kukanti abangu-11 367 bahlatshwe eyesibili.
