uMthunywa
Thando Dube
KULEZITABANE zakoBulawayo ezitshiye izakhamizi zakulelidolobho zitshe amathe kulandela ukutholakala “zithapha uluju lwemvelo” emkotweni obuqamama lenye ibhawa edumileyo, uMthunywa uyakuveza lokhu lamhlanje.
UMthunywa uzwe ukuthi uNgqabutho Ndebele oleminyaka yokuzalwa engu-24 loOrlando Gwarada oleminyaka yokuzalwa engu-30 babanjwe xhaka ngamapholisa abebhoda ebusuku amabhulugwe ekhawule emadolweni bejabulisana.
U-Onias Ncube owayekhona uthe kuliqiniso ukuthi amadoda la abanjwa ngamapholisa esenza ucansi.
“Kulamadoda amabili abanjwe ngamapholisa emadabukakusa esenza ucansi phakathi kwesitalada sikaGeorge Silundika lo- 11th Avenue.
UMthunywa ukhulumisane lesikhulumi samapholisa edolobheni lakoBulawayo uInspector Precious Simango othe udaba olunjalo lwenzakele.
“Udaba lwamadoda amabili abanjwe xhaka besenza isenzo esilihlazo socansi senzakele sibili kwesinye isitalada khonapha koBulawayo.
“Sibonga umsebenzi wamapholisa asebenza ebusuku abebhoda ezitaladeni zedolobho abambe amadoda la eqabulana kukuncane indawo.
“Ubutabane abuvunyelwa elizweni leZimbabwe ngokomthetho okutsho ukuthi laba ababanjiweyo bazabhekana lomthetho, njalo asikhuthazi izenzo ezinje ukuthi zenzakale elizweni lethu,” kuphetha uInsp Simango.
