uMthunywa
USENZI Mathaba wodumo lwe-video yokuDVDiya uthe ulephupho lokuba ngumlingisi emidlalweni kamabonakude.
USenzi uzakhele udumo nge-video ebe sematheni ezinkundleni zokuxhumana.
USenzi Mathaba (24) waseNqutshini, eMpangeni, utshiye abantu abanengi besifa yinsini kusabalala i-video yakhe emveza ebuza umuntu osuke eqopha i-video yakhe ukuthi um-DVDiyelani manje.
Echazela Isolezwe ngale video ngaphambi kokuba lengxoxo ekhethekile lomsakazi weZwi LoMzansi uVictor “Maswidi’’ Xaba ngeSonto ntambama, uthe udumo lwayo alumthusanga kakhulu.
Ngemuva kwesasasa ngale-video usehambele imisakazo okubalwa kuyo i-Icora FM loKhozi FM lapho axoxa khona loSbu Buthelezi loMroza.
“Kulula ukuchaza ukuthi yenzeka kanjani leya-video. Uma umazi nje uSenzi uzokwazi ukuthi uhlezi elamagama athe phecelezi, awumsangano. Kufana noma ngicela umuntu angishuthe angitsho ukuthi akangishuthe ngithi akathathe i-photo, laleli temu laqhamuka kanjalo-ke uma ngiqopha i-video,” kutsho uSenzi ohlala e-Albert Park, eThekwini.
Uthe ukunakile ukuthi abantu abanengi bazitshela ukuthi le-video yathathwa yisinqandamathe sakhe lokuyinto ayichithile.
“Ngizizwile lezo zinkulumo. Cha, laphayana ngangilengane kadadewethu ngacela ukuthi ingithathe izithombe ezimbalwa sazishutha saqeda itekisi ingakaqhamuki, ngathi kuyena ‘akangiDVDiye’, saqopha mhlawumbe kathathu ngase ngakhetha eyodwa ngayifaka ezinkundleni zokuxhumana yaduma kanjalo,” kuchaza uSenzi.
Njengoba uSenzi esebenza njengonesi ongaqatshwanga ngokugcweleyo esibhedlela esizimeleyo eThekwini, uthe isifiso sakhe yikuthi aqatshwe ngokugcweleyo kwesikahulumende ngoba ulentshisekelo ngalo msebenzi. Ngakolunye uhlangothi uthe akalilahli ithemba kanjalo lephupho lokuba ngumlingisi.
“Ngilesifiso esikhulu sokuba ngumlingisi emidlalweni kamabonakude. Kube liphupho lami kusukela ngisakhula ngenxa yendlela engiyiyona. Njengamanje ngiyazifela ngeGenerations, iMuvhango noZalo,” kutsho uSenzi.
Uthe njengoba kusanesasasa ngale-video yakhe abantu sebengathola nezikibha zetemu lokuDVDiya kuyena. — Ubulembu
