UBUCWAZICWAZI ECLUB HOUSE

UBUCWAZICWAZI ECLUB HOUSE

0 271
UKenneth Mhlophe

Intatheli kaMthunywa
IQEMBU lenguqu kanobhutshuzwayo iHighlanders lizakuba lenkundla yalo kulisizini njalo lesakhiwo sayo seClub House sizathola ukuvuselelwa, kucace ukuthi yisakhiwo esisedolobheni.

UMthunywa ukubeka emphakathini ukuba inkalakatha yesivumelwano semali esizasayinwa yiziphathamandla zeqembu lezikhulu zenkampani yeBig Time Strategic Group (BTSG) sihlose ukuthi kusiyaphela lisizini, ezikaMagebhula zibesezi lenkundla yayo.

Iphephandaba likazulu lithole udletshana ngokwenzakala kunkulumo phakathi kwenkampani yeBTSG leHighlanders.

Kubikwa isivumelwano lesi sizaguqula isimo seClub House, yona ebisiphenduke yaba yibhawa engelasithunzi. Umhlabathi lo okulesakhiwo lesi kubikwa uzaphatha lenkundla encinyane ezasetshenziswa ngamaqembu eHighlanders nxa elolonga.

“Inkampani yeBTSG ingenye yamankampani asebangisana ukuncedisa ithimu yezwe lonke kodwa umahluko wayo yikuthi ithembisa imali,” kutsho umfakazi ophakathi kwalo lelidili.

“Nxa kuvunyelanwe kuhle, iHighlanders Club House izavuselelwa, mhlawumbe ithole isimo esitsha. Kungumbono wethu sonke ukuthi indawo yethu le ithuthuke njalo iqembu lenze imali.

“Kukhangelelwe ukuthi kusiyaphela umnyaka, kube lenkundla enhle ezavumela ukuthi leqembu elikhulu lilolonge kuyo.”

Inkampani yeBTSG kukhangelelwe ukuthi ikhiphe imali okubikwa izafika imiliyoni yamadola ezancedisa iHighlanders.

Umgcinisihlalo omutsha weqembu uKenneth Mhlophe wakutsho kudala ukuthi uzaletha inguquko, ngakho ngokubatshazwa kwesivumelwano labosomabhizimusi, kukhanya isimo sesikhwama semali yeqembu sizakubangcono.

NgoLwesibili ekuseni uMhlophe wazise umhlaba ukuthi ‘sekusetshenzwa’.

“Okukhulu kuyeza kuqembu, abanye lokhe besilwa. Lizatshiywa yisitimela…,” nguMhlophe lo.

NO COMMENTS

Leave a Reply