IBOSSO IQHULA ISIYA ESHABANIE

IBOSSO IQHULA ISIYA ESHABANIE

0 166
Gabriel Nyoni

YiNtatheli kaMthunywa
IHIGHLANDERS ingena umango iqonde ukuyazama ukugqibela iqembu leShabanie Mine eselivalelisa inkundla zeligi yeCastle Lager ngoba lehluleke ukudlala kuhle kulisizini.

Lumdlalo ukhanya ulula kuHighlanders ngenxa yokuxega kweShabanie Mine, kodwa angeke kubelula kubadlali beqembu lakoBulawayo ngoba kwandise ukuthi amaqembu asephuma kuligi atshiye ngokutshaya ezinkulu.

IBosso ivela nqotshwa kunkezo yeChibuku Super Cup nge-2-0 liqembu leHarare City, okube ngumdlalo oveze ukuthi ithimu le izaqeda isizini ingaphathanga lutho. Inhloso yomqeqetshi uMadinda Ndlovu eyokuthi ithimu yakhe igqibe isizini ihlezi kunombolo yesine igxile ekuthini anqobe iShabanie Mine. Kungehlula lokhu, umqeqetshi lo uzabe eyehlulekile ukugcwalisa isifiso sakhe.

Ngokuxega eyikho khona iShabanie Mine, lumdlalo unikeza iHighlanders ithuba lokuthi izitshengisele ukuba ilakho ukuzithintitha ngemva kokudliwa kwayo.

EzikaMagebhula zikunombolo yesithupha. Kumidlalo engamatshumi amabili lasitshiya galolunye, iqembu lakoBulawayo lihleli kuhle kungalane loba nje likunombolo engajabulisi uNdlovu
Icebo elingasiza lumqeqetshi kulimpelaviki yikudlalisa abafana abazavimbezela iShabanie Mine.

Kumidlalo le, iShabanie Mine iphume lemiklomelo elitshumi lasitshiya galombili kuphela. Ithimu le iphenduke yaba ngetshaywa yiwo wonke nanko phela yenelisa ukunqoba kwemibili kuphela.
Enkambeni yalithimu abadlali kubikwa sebejikele ithawulo phansi.

UGabriel Nyoni, umdlali weHighlanders osephiwa ithuba lokuba ngukaputeni weqembu ukhiphe amazwi wokukhuthaza abanye bakhe kubulembu beTwitter wathi abethuswa yilutho njalo bazayivalelisa iShabanie Mine.

“Umdlalo lo awusethusi njengeminye imidlalo yethu. Siyinqaba, sizanqoba kuShabanie Mine…” kutsho uNyoni kuliviki.

“Imidlalo ayifani bakithi. Idlabuzane lokunqoba silalo. Okwethu yikuhamba sihlomile kuphela,” kutsho lumdlali.

Imidlalo yeCastle Lager kuliviki:

NgoMgqibelo: Black Rhinos v Harare City (National Sports Stadium)

NgeSonto: Shabanie Mine v Highlanders (Maglas), Dynamos v Caps United (Rufaro)

SIMILAR ARTICLES

NO COMMENTS

Leave a Reply