uMthunywa
YiNtatheli kaMthunywa
ZISELE zibambe owangaphansi izakhamizi zeSingeni eLupane ngemva kokuba omunye ugogo etholakale elodiwo olugcwele igazi phakathi kulamaphetshana alamaizo abantu.
Isiga lesi senzakale emavikini ambalwa asanda kwedlula lapho uNkosazana Sibonisiwe Moyo etholakale elodiwo emzini wakhe lubhalwe amabizo abantu abatshiyeneyo aabagoqela izihlobo zakhe kanye lezakhamizi.
Ekhuluma loMthunywa omunye olilunga lemuli unkosazana Phindile Ndimande uveze ukuba lokhu kubethusile
“Kube yisimanga kithi ukubona into enje ikhitshwa emzini wesihlobo sethu. Inengi emulini belimangala ukuthi kungani impilo zethu zingayindawo kukanti kukhona ozibambileyo phakathi kodiwo.
“sesananzelela ukuthi emulini akula oyendayo abathola umsebenzi abahlali emsebenzini uzwa kuthiwa.
Ugogo ubethaba nxa sibuya ekhaya singelalutho asithabele angani uyasithanda kanti usibandezela phansi,” kubika uNkszn Ndimande.
Uqhubekele phambili echaza ukuba emulini yakwabo akulamuntu owenza okukhanyayo ngempela.
“Abanewethu abathathi njalo abenzi lutho nxa sasihamba sasifika sitshelwe ukuthi kulomuntu ogodle amabizo ethu kodwa bengasichazeli ukuthi ngugogo. Sesincedwe ngomunye ubaba ofike lapha elande omakhelwane sahle samcela ukuthi simbone wahle wasibikela ukuthi amabizo ethu avalelwe ediweni yikho sibhoda ndawonye,” kubika uNkszn Ndimande
Ekhuluma lentatheli uMnumzana Desmond Sibindi uveze ukuba abalamathe ngesiga lesi.
“ Ugogo ngumuntu otshona emzini wakhe eseluka amacansi besingamcabangeli lutho olubi kodwa besilemibuzo eminengi ngokuthi abazukulu bakhe yindaba bengasebenzi kanti yena uyazi ukuthi ubabhale phansi. Udiwo lolu kuthiwa nguye yedwa owayelubamba ethi kungabilomunye olubambayo kanti uyazi akwenzayo ngalo.
“Ngesikhathi lukhutshwa kazange aluphike wavuma kuphela ukuthi ngolwakhe ukuthi igazi walithatha ngaphi kazange achaze,” kubika uMnu Sibindi
Ekhuluma lentatheli unkosazana Sibonisiwe Moyo onguye umnikazi wodiwo uchaze ukuba kazi lutho
“Mina mzukulu akulanto engiyaziyo udiwo lolu ngangilugcinile kuphela ngingenzi lutho ngalo lokho okokuloya angikwazi mina,” kuphetha uNkszn Sibindi
