uMthunywa
YiNtatheli kaMthunywa
KULAMATHIMU enguqu kaDivision One kulumhlubulo ongezansi yelizwe alakho ukuthi axotshwe isizini ingakapheli ngoba esehluleka ukubhadala imali yokuvunyelwa ukudlala kuligi le.
UMthunywa uyakuveza ukuthi iZRP Hwange leHwange Juniors lokhe zingakakhiphi imali efunwa yiligi, njengokuvumelana kwamathimu wonke kusisekelo sombuso wenguqu le.
Kuliviki ikomithi ebambe intambo kuligi le ibikhiphe umbiko isazisa ukuthi isimise amathimu ayisitshiya galombili ukudlala. Amathimu la okwamanje asebhadale imfanelo zomdlalo kwasala ezimbili.
NgoLwesithathu emini, iphephandaba likazulu lithole udletshana lokuthi ilunga lebhodi yeZifa kulumhlubulo obona ngezemali uBrighton Malandule wabikela amathimu wonke ukuthi abhadale kusalesikhathi kodwa izwi lakhe lawela phansi. Kubikwa njalo ukuthi anikezwa isikhathi eside ukuthi alungisise udaba lolu.
Amathimu amanengi kubikwa asindwa yikukhipha imali yokubhadala onompembe. UMthunywa ukuphethe ukuthi onompembe bakaDivision One baphiwa i$230 kodwa amathimu womabili iZRP Hwange leHwange Juniors sezilesikwelede zemidlalo elitshumi.
Ngokunjalo, umbiko ovele emahofisini eligi le ithe amathimu azahluleka ukubhadala azathathelwa imiklomelo kumidlalo yayo, kuphethe ingenqotshwe 3-0 ingazange idlale.
Uluhlu lwemidlalo yeZifa Southern Region Division One:
NgoMgqibelo: ZRP Hwange vs Black Boots (cancelled), Hwange U-20 vs Makomo (Hwange), Talen Vision vs Vic Falls Tigers (White City), Casmyn vs ZPC Hwange (Turk Mine), Technosphere vs Bulawayo Chiefs (Hwange) Indlovu Iyanyathela vs Ntabazinduna (Brad Barracks), Bantu Rovers vs Bosso 90 (White City), ZRP Byo Province vs Amagagasi (Fair Bridge).
NgoLwesithathu: ZRP Byo Province vs Bosso 90 (Fair Bridge) Amagagasi vs Casmyn (Vic Falls), Black Boots vs Hwange U’20 (Fair Bridge), Makomo vs Talen Vision (Hwange), Ntabazinduna vs Bantu Rovers (Ntabazinduna), Technosphere vs Indlovu Iyanyathela (Hwange) Bulawayo Chiefs vs Vic Falls Tigers (Luveve).
