uMthunywa
YiNtatheli kaMthunywa
UBONGANI Mafu ulethuba lokugcwalisa isifiso sabalandeli bethimu yakhe iHighlanders FC ngokunqoba iDynamos nanko phela usephiwe elinye ithuba lamahala ukuthi akwenze lokhu kulimpelaviki.
ITshilamoya idlala leDynamos kunkezo eqoqwe ngamasotsha eyeZNA Charities. Imidlalo yeligi yeCastle ayisoze idlalwe ngenxa yenkezo le.
Ngokwakuqala ukuthi inkunzi zenguqu yakuleli zihlangane kulinkezo lokhe yasungulwa ngo-2013.
Inkezo le ibidlalelwa ngamathimu amane. IBosso yanqoba iHow Mine 2-1 ekuqaliseni kwesizini. IDynamos yadlala phezulu komakhelwane wayo iCaps United 2-1.
UMafu ulokukholwa ukuthi nguye umqeqetshi ozayiqethula iDynamos loba ehluleke ukuyinqoba kumidlalo yeligi.
Ekhuluma lentatheli uMafu uthe kungaze kubenjani, akasoze esabe ukuhlasela iDynamos.
“Umdlalo wonke esilawo uletha umthwalo onzima kodwa angeke ngithi iDynamos siyayiqakathekisa. Yithimu njengawo wonke esidlala lawo.”
Isikhulumi sabaqoqi benkezo yeZNA Charities uAlphios Makotore utshele iphephandaba likazulu ukuthi andubana kudlalwe, ibutho lesizwe lizanxusa abantu kumcimbi wokugida, kube lomdlalo we-golf, kanye lokugijima kwamabhiza.
“Umdlalo wenguqu usekelwa ngabantu abanengi yikho iminyaka yonke sihlala sinxusa iHighlanders leDynamos amathimu alosekelo kuleli.
“Imali yonke ezatholwa kulumdlalo izaqhutshelwa kumaphojekithi lezinye inhlelo ezidinga usizo,” kutsho uMakotore.
NgeSonto edluleyo iHighlanders iphose yathabisa abasekeli bayo, kwehlula ekucineni isiqede ingutshiki lobhanqa ka-1-1 leDynamos emagumeni.
Umdlalo wenkezo yamasotsha le izanikeza uMafu ingqobe yokuthi aphinde lokhu akwenza kuhlandla lakuqala, alungisise labonozinti bakhe.
