Uyasazi na isiNdebele? Zihlole

18 Jul, 2019 - 00:07 0 Views
Uyasazi na  isiNdebele? Zihlole

uMthunywa

SIYADIBANA njalo bafundi kule iviki, ngithemba liqhuba kuhle ezifundweni zenu.

Kulabo abaqalise ukubhala imihloliso yabo yaphakathi komnyaka ngithanda ukulifisela inhlanhla, kulabo abangakaqalisi ukubhala lingadinwa ukubala ingwalo zenu.

Nanzi impendulo zomsebenzi wakuqala weviki edluleyo.

1. Yibuchopho benkomo obugcinwa ephondweni.

2. Yingosi yendlu – lokhu esithi likhona lamhlanje/ icele elithize lomhlaba loba indawo egubhekileyo ikakhulu eceleni komfula.

3. Ngumuntu okhulumela umkhwenyana kwabozala abanye bathi ngumnyayi.

4. Lokhu esithi lamhla yi “ring” yomtshado efakwa ngumakoti.

5. Yinduku elesiduku esikhulu.

Kule iviki sizaqhubeka ngokuchaza ukuthi kuyini okutshiwo ngamagama alandelayo:

1. Umxhopho

2. Ingqulwane

3. Ikhaba

4. Ubukhwele

5. Isixhokolo

Ngilethemba imisebenzi le iyaliphathisa kakhulu. Sizahlangana njalo ngeviki ezayo.

Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. U

fake ibizo lesibongo sakho, ukuthi ukuliphi ibanga lokuthi ufunda kusiphi isikolo.

Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.

Share This:

Sponsored Links