uMthunywa
SIYAHLANGANA njalo bafundi kule iviki. Ngithemba libe lekhefu elimnandi lonke.
Ngiyazi ukuthi labo abazabhala imihloliso yabo yokuphela komnyaka ka-Grade 7 kanye labakumfundo yaphezulu oFomu 4 loFomu 6 sebevulile izikolo.
Kasizimiseleni ezifundweni zethu ukuze siphumelele ekupheleni komnyaka.
Nanzi impendulo obulakho ukuphuma lazo kumsebenzi wakuviki ephelileyo:
1. Ingqamu
2. Isifu
3. Insingo
4. Uqhweba
5. Usiba
6. Uhlaka
Akutsho ukuthi kuyini lokhu okulandelayo sibone kumbe uyalwazi ulimi lwabokhokho bethu.
Isibonelo: Umqhekezo — ngumzila womceco ovulwa phakathi kwenwele
1. Icholo
2. Isicholo
3. Umfasimbi
4. Umthala
5. Umthangala
6. Inkelu
7. Iwogana
8. Amahlwayi
Sizahlangana njalo kuviki ezayo sihlolana ukuze sibone ukuba siyasazi na isiNtu sethu.
-Bafundi thumelani impendulo zenu kunombolo lezi 0773675473 kumbe ku-0776710190 nge WhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.
