uMthunywa
SIYADIBANA kule iviki bafundi abahle. Ngikholwa liqhuba kuhle emsebenzini wenu wesikolo.
Ngizaqala ngokulipha impendulo zomsebenzi wakuviki ephelileyo:
a. Isibindi yisitho esitholakala emzimbeni womuntu, inyoni loba owenyamazana.
ii. Isibindi somuntu ongethuki ukumelana lobunzima.
b. Unyawo lilunga lomzimba esihamba ngalo.
ii. Unyawo lomuntu othanda ukuhamba kakhulu ongahlali phansi.
c. Ulimi yisitho esiphakathi emlonyeni sokunambitha.
ii. Ulimi lomhlobo okhulunywa ngabantu njengesiNdebele.
d. Iminwe esezandleni esiyisebenzisa ukubamba.
ii. Leminwe yomuntu owenza izinto ezinhle.
e. Inyanga umuntu ongusiyazi owelaphayo ngezihlahla.
ii. Inyanga ekhanyisa ebusuku esibhakabhakeni.
f. Isandla somuntu olisela.
ii. Isandla sesitho somzimba.
Sizaqhubeka ngamabala atsho izinto ezimbili. Lawa ke atshoni:
1. Umlomo
2. Umuzi
3. Isithunzi
4. Isimbo
Kasihlanganeni kuviki ezayo sihlolana ukuze sibone ukuba siyasazi na isiNtu sethu.
Bafundi thumelani impendulo zenu kunombolo lezi 0773675473 kumbe ku-0776710190 ngeWhatsApp loba ngeSMS. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.
