uMthunywa
KUVIKI edluleyo besifunda ngesikhathi kubalwa insuku. Besifuna ukukhumbuzana ngendlela okhokho bethu ababebala ngayo insuku.
Nanzi impendulo obekumele uphume lazo:
1. usuku olulandela olwalamuhla.
2. phambi kwakusasa nxa lamuhla kungemuva ngomhlomunye kungoLwesithathu.
3. usuku olungemuva kwalamuhla.
4. usuku olungemuva kwezolo.
5. usuku olungemuva kwakuthange.
Kule iviki sizaxoxa ngenkanyezi esizibona emkhathini ilanga litshona kanye lasebusuku. Ukubenyezela kwazo kuletha ubuhle bemvelo kukanti kuqakathekile njalo ukuthi sizazi ngamagama lezi nkanyezi singazikhombeli nje emkhathini lapha.
1. Icelankobe: le yinkanyezi ebonakala ilanga lisanda kutshona. Akutsho ukuthi lezi zona yiziphi inkanyezi:
2. Ikhwezi: yinkanyezi ………………………
3. Indonsakusa: yinkanyezi …………………………..
4. Ingulube: lezi zinkanyezi …………………………….
Bafundi thumelani impendulo zenu kunombolo lezi 0773675473 ngeWhatsApp loba ngeSMS. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
