uMthunywa
Fungai Muderere
ISIKHULUMI seqembu leBulawayo Chiefs uThulani Javas Sibanda usekhethe ukutshiyana lomsebenzi wenguqu abuyele kwezokuthokozisa uzulu.
USibanda ubekhokhela njalo iqula eliphethe amakhasi e-Social Media kuleliqembu. Nguye owanceda ukuthi Amakhosi Amahle athole izicoco ngokuthumela imbiko ebulenjini, okwadala ukuthi iqembu libizwe ngokuthi “Twitter Kings”.
Ekhuluma lentatheli kaMthunywa uSibanda uthe: “Sengibuyela emsebenzini wami kwezokuthokozisa lokuba ngumaneja wenhlelo. Sengijoyine inkampani ye-Exclusive Management egxile ekuphatheni amaqula akumsebenzi wama-arts.
“Kodwa angilahli ithawulo ngoba inguqu ngiyayithanda,” kutsho uSibanda.
Indoda le yaziwa kakhulu njengomlandeli weManchester United. Wake wasebenzela iqembu leSiyaya Arts.
