uMthunywa
Innocent Kurira
UMGADLI wenguqu uBrighton “Maninja” Ncube kubikwa angabe eseduzane lokudlalela iHighlanders kulisizini.
Umdlali lo uthole ukuhlolwa kwakuqala ngesikhathi iHighlanders idlala umdlalo wobungane leqembu leGreen Fuel ngeSonto edluleyo. IBosso yanqoba 1-0 kulumdlalo owawusenkundleni yeBata eGweru.
Isikhulumi seHighlanders uNozibelo Maphosa Maphosa utshele intatheli yeZimpapers Sports Hub ngoLwesithathu ukuthi lumdlali usehlelweni lwabaqeqetshi.
“Akukabi lolutho olukhona kodwa ngilesiqiniseko sokuthi uhlolwa ngabaqeqetshi.”
Ngesizini edluleyo uNcube wayedlala kuChicken Inn. Wangena kuqembu leBosso Juniors eleminyaka engu-18 yokuzalwa ngemva kokudlula kuqembu leBantu Rovers.
Kusenjalo, iBosso isayine abadlali ababalisa uMarvin Sibanda ovela kuLittle Rock eyeMelika, uBrain Ndlovu osuke ku-Adachi, uBrian Mlotshwa oweHwange loReason Sibanda obedlala ku-Arenel.
Abanye nguDarlington Mukuli, Gillian Nyathi, Talent Dube, Prince Ndlovu labafana bakoMushore uMcKinnon loMason.
