uMthunywa
YiNtatheli kaMthunywa
ABAQEQETSHI beqembu leChicken Inn bathi abakwazi ukuthi badinge ngaphi usizo nanko uThulani Sibanda umsekeli kamqeqetshi ubika ukuba umadolo nzima ngokuhlela imvimbi zakhe ngoba esesaba onompembe.
USibanda uthe kazizwa ejabulile ngokunikezwa ikhasi elibomvu kwemvimbi yakhe uLawrence Mhlanga ngesikhathi somdlalo weqembu lakhe leTsholotsho enkundleni yeWhite City ngoMgqibelo odluleyo.
USibanda ubike ukuba ukungabi khona kukaKaputeni uDanny ‘‘Deco’’ Phiri ngokulimala kanye loMhlanga akumuphi ubuthongo ngoba engazi ukuthi ngubani ozamvimbela ngeSonto enkundleni yeBarbourfields.
“Ikhasi likaLawrence (Mhlanga) lisenza sisale sivuza ngoba kumvimbi sisala silabadlali abalutshwana,” kubika uSibanda.
USibanda ubike ukuba uDecco akwaziwa ukuba angangena kulo umdlalo kulandela ukulimala kwakhe ngesikhathi esiyadlalela amaWarriors.
Iziphathamandla zama-Gamecocks zisole kakhulu isiphatho esaphiwa abadlali bayo bakumaWarriors. Babike ukuthi kukhanya ukungaphathwa kuhle kwabadlali kuyaqhubeka njalo zinikeza lomzekeliso wokulimala kukaTeenage Hadebe.
“Njengeqembu kuyasihlupha ngoba umdlali nxa elimele esenkambeni yamaWarriors kumele elatshiswe khona ngale kodwa kuphenduka kube ngumthwalo wethu,” kuveza lesi siphathamandla esikhethe ukungaqanjwa.
AmaGamecocks azabe ethembele kuObadiah Tarumbwa yena owahlohla mhla benqoba iTsholotsho ngoba ezabe edibana leqembu akhulela kilo.
“UOba uyenelisa ukuba ngumgadli eyedwa njalo ngenxa yokuthi seke wadlala emidlalweni emikhulu enjengale sikhangelele ukuthi adlale ngcono,” kubika uSibanda.
USibanda uphethe ngokubika ukuthi noma nje kube lokuphuma kwabadlali kuleliqembu bazabona abangakwenza ukuba baphume lemiklomelo emithathu.
Lumdlalo ngumdlalo wakuqala kaRahman ngemva kweminyaka elitshumi wehlukana leqembu leTshilamoyaya kungakho laye njengomqeqetshi uzabe ezama ukuthi atshengise inkhokheli zikaMantengwane ukuthi zenza iphutha ngokwehlukana laye ngemva kokuhluthuna inkezo ezinengi leBosso.
UGumbo ngomunye wabaqeqetshi abalodumo njalo waqeqetsha umqeqetshi wamaWarriors uCallistus Pasuwa ngesikhathi esadlala kuqembu leSporting Lions.
UGumbo njengomqeqetshi sehluthune inkezo emazweni abalisa iBotswana kanye leMalawi njalo wahluthuna inkezo yeBP leqembu Caps United. Amanye amaqembu aqeqetshwa nguRush abalisa iMotor Action kanye leFC Platinum.
Umbuzo ke okhona yikuthi kuyazalwa nkomoni eMagumeni?
