uMthunywa
SILOKHU siphakathi kwesahluko sesitshiyagalombili. Lapha sibona abafana beganga bebuthene belibutho.
Kulombuthano kulapho okwaku dingidwa khona udaba lokuyahlaselwa kwe rest camp. Yayikhona insolo mhlawumbe sithi ukuthandabuza ngomkhankaso wokuyahlasela indawo eyayivele igonjolozelwe zimota zomlilo ngohlobo olwesabekayo. Wayengakuqondisisi ngempela uDligazi ukuthi lokho babezakwenza ngayiphi indlela. Lakho kuyancomeka ukuthi isifuba sakhe wasivula kazange afele ngaphakathi okwebutho lika Tshaka.
Kuyinto enhle esiyifundayo njalo lathi ukubona abantu besiba mqondo munye bebonisana, bexazulula lalezo ezinzima bendawonye. Siyambona ke uKill once emchazela uDligazi kanye labanye ngalokhoayekubone kusenzakala enkambeni. Wababonisa ke ngomgwaqo owawunqumisa umfula njalo kwakucaca sobala ukuthi wawukude lenkamba yesitha okwakuchazeke ukuthi kwakuzakuba yisikhundla sabo leso. Ngaleso sikhathi kwakuqakathekile okwamagama ukuhlaba indlubu ekhasini izinto zonke zibe segcekeni. Umbuzo omqoka owaphuma phakathi kwabafo wawudinga kubesobala ukuthi abakhona ababesele ezixukwini lapha belindile.
Kwakulesiqiniseko na sokuthi ibutho lonke laliqonda enkambeni ekuseni.
Ngokulandelela impendulo ezivela kunhloli ezaziye hlola I Rest Camp kusobala ukuthi amabutho esitha la ayelakho ukuyethekisa okwamagama ngoba nanku nje abafana beganga basebethole inxeba lokungena.
Ngolwazi lwethu oluncinyane ngezimpi, umzuzwana wonke ubalulekile okwamagama akufanelanga abantu bakhululeke njengalokhu abakwenzayo ukuthi ngehola lesithupha ibutho lonke laliyabuthana komkhula kusale kungela ngitsho owayelinde inkamba. Omkhulu we Rest Camp wayelephutha elikhulu lapha.
Imibuzo iyaba mnengi ilakho ukucina isidunga ingqondo zabantu. uMabhodla wakunanzelela lokhu phakathi kwabafowabo. Wabakhumbuza ngodaba olubuhlungu udaba olwalutshwaqisa inwele, usizi olweGomoza lapho abafa abachiteka baphela khona. Kwasekudingeka labo bazinikele bazinikele bafa kunye labo. Amazwi kamabhodla avusa ulaka ngaphakathi kwenhliziyo zamadoda. Bonke bazwakala bevungama ngolaka.
Indunankulu layo yazwakala ngelihayaze ulaka. Yabika ke ukuthi impi yayisiyaphambili wayezakwehlukanisa amajaha abengamaqembu amabili. Elinye iqembu lalizakhokhelwa ngamadoda ayehamba ukuyahlola umumo we Rest Camp yibo ababelolwazi njalo sebesazi lendawo. Iqembu lesibili ke kwasekumele kube yilelo elalizakuyathiya umaquphula ku fighting road endleleni yesitha.
